त्रिवेणी गाउँपालिकामा सल्यानमा सिडी किट बक्स वितरण प्रारम्भिक शिक्षा क्षेत्रमा ठूलो लगानी, सिकाइ सुधारको अपेक्षा युनिसेफ नेपालको आर्थिक तथा प्राविधिक सहयोगमा, समाज जागरण केन्द्र (SAC) नेपाल द्रारा सञ्चालित SESP परियोजना अन्तर्गत त्रिवेणी गाउँपालिका सल्यानका १५ वटा विद्यालयमा प्रारम्भिक बालविकास (ECD) कक्षाको लागि १६ थान इसिडी किट बक्स वितरण गरिएको छ।
गाउँपालिकाको शिक्षा शाखामा आयोजित औपचारिक कार्यक्रममा गाउँपालिकाका उपाध्यक्ष सीता खड्का पुनको प्रमुख अतिथिको रूपमा उपस्थित रहनु भएको थियो। कार्यक्रममा वडा नं. ४ का वडा अध्यक्ष छविराज शर्मा, शिक्षा शाखा प्रमुख गणेश प्रसाद आचार्य, युनिसेफ कर्णाली प्रदेशका शिक्षा अधिकृत फर्सुराम पन्त, समाज जागरण केन्द्र (SAC) नेपालका SESP परियोजना व्यबस्थापक तेज सोनाम, शिक्षा अधिकृत सर्वराज वि.क, बाल विकास संयोजक निकिता शर्मा सहित पालिकाका कर्मचारी, विद्यालय प्रतिनिधि तथा बालविकास शिक्षकहरूको सक्रिय उपस्थिति रहेको थियो।
यस सहयोग अन्तर्गत प्रदान गरिएका इसिडी किट बक्सको प्रयोग गरी प्रत्येक बालविकास कक्षामा भाषा, गणित, सिर्जनात्मकता, सामाजिक जीवन सीप, माटो खेल (sensory) लगायतका ६ वटा सिकाइ कुना (Learning Corners) निर्माण गरिने जनाइएको छ।
शिक्षा शाखा प्रमुख गणेश प्रसाद आचार्यका अनुसार, “सिकाइ कुना मार्फत बालबालिकाको भाषा विकास, सृजनशीलता, सामाजिक सीप तथा संज्ञानात्मक क्षमतामा ठूलो सुधार आउनेछ। यसले बालबालिकाको सर्वाङ्गीण विकासमा सकारात्मक प्रभाव पार्ने विश्वास लिइएको छ।”
कार्यक्रमका सहभागीहरूले प्रारम्भिक शिक्षामा गरिएको यस्तो प्रकारको सहयोगबाट बालमैत्री सिकाइ वातावरण निर्माण हुँदै जाने र बालबालिकाको सिकाइ उपलब्धिमा उल्लेखनीय वृद्धि हुने अपेक्षा व्यक्त गरेका थिए।
SESP परियोजनामार्फत बालबालिकामैत्री शिक्षा प्रणालीको स्थायीत्व र गुणस्तर सुधारका लागि योगदान पुग्ने विश्वास लिइएको छ। यस परियोजनाले शिक्षा क्षेत्रमा मात्र नभई समग्र गाउँपालिकाको सामाजिक विकासमा समेत टेवा पुर्याउने स्थानीय तहले जनाएको छ।
Leave A Comment