किशोरीहरूको सशक्त सक्रियतामा डोल्पाको आशा: सामाजिक रूपान्तरणको उज्यालो यात्रा

डोल्पा जिल्लाका दुई नगरपालिका अन्तर्गतका स्थानीय सरकारी विद्यालयहरूमा किशोरी क्लबहरूको सक्रियता आज सकारात्मक सामाजिक रूपान्तरणको उज्यालो संकेत बन्न थालेको छ। शिक्षा मात्र होइन, नेतृत्व, चेतना, र परिवर्तनको जरो गाड्दै यी क्लबहरूले विद्यालय र समुदायलाई प्रेरणादायी यात्रामा उभ्याएका छन्।

Federal Ministry for Economic Cooperation and Development (BMZ) को आर्थिक सहयोगमा, Plan International Nepal र Social Awareness Center (SAC) Nepal को संयुक्त प्रयासले सञ्चालित यस्ता कार्यक्रमहरूले किशोर–किशोरीहरूलाई आफूभित्रको शक्ति चिन्न, आफ्ना अधिकारका लागि बोल्न, र भविष्य निर्माणमा अग्रसर बन्न सघाएका छन्।

यी किशोर किशोरी क्लबहरूले सञ्चालन गरेका वृक्षारोपण, सरसफाइ, वातावरण सुधार, तथा स्वास्थ्य सम्बन्धी सचेतनामूलक अभियानहरूले विद्यालयलाई मात्र होइन, सम्पूर्ण समुदायलाई स्वच्छ, सुरक्षित र संवेदनशील बनाइरहेका छन्। बृहतर यौनिकता शिक्षा (CSE) अन्तर्गत “साथीबाट साथीमा सिकाउने” गतिविधिले किशोरीहरूमा आत्मविश्वास, नेतृत्व, र सामाजिक उत्तरदायित्वको विकास गरिरहेको छ—जसको प्रभाव विद्यालयको पर्खालभित्र सीमित छैन, यो परिवर्तनको लहर गाउँ-गाउँमा पुगिरहेको छ।

वकालत, संवाद, र नेतृत्व क्षमता विकासको माध्यमबाट किशोर किशोरीहरू आफ्नो हक अधिकारका सवालमा मुखर भइरहेका छन्। उनीहरू अब प्रश्न उठाउँछन्, उत्तर खोज्छन्, र समाधानको भाग बन्न तत्पर छन्। यो अभियानले समुदायमा किशोर किशोरीहरूको भूमिका फेरिएको मात्र छैन, उनीहरू अब सामाजिक न्याय, लैङ्गिक समानता, र समावेशी विकासको अग्रपंक्तिमा उभिएका छन्।

दीर्घकालीन दृष्टिकोणले हेर्दा, यस्ता कार्यक्रमहरू युवा पुस्तालाई नवनिर्माणको साझा यात्रामा सहभागी गराउँदै, समतामूलक, विवेकी र प्रगतिशील समाज निर्माणतर्फ डोल्पाको काँधमा आशाको झिल्को बनिरहेका छन्।